Fear Paralysis Reflex (FPR)

Um

'Fear Paralysis Reflex' er tað fyrsta refleksið, og tað verður ment í fosturmenningarstigi. FPR verður í 12. viku partur av mororefleksinum.

Um FPR ikki verður partur av mororefleksinum, er tað sannlíkt, at mororefleksin verður verandi aktiv.

Fremsta endamálið hjá FPR er at verja mammuna og tað ófødda barnið móti vanda og stressandi støðum í viðgongutíðini.

FPR er tað fyrsta refleksið og leggur støði undir eftirfylgjandi refleks.

Eitt aktivt FPR

Nøkur tekin, sum kunnu síggjast hjá einum pinkubarni við aktivum FPR:

Tað er ofta friðarligt og dámar ikki nógv fólk ella fremmand fólk.
Tað reagerar ofta ógvisliga, tá onnur taka tað upp.
Tað er ovurviðkvæmt móti ljóði, ljósi, lukti og smakki.
Tað kann tykjast kræsið ella smáetandi.
Barninum dámar ikki broytingar í støðum og umvhørvi.
Tað kann tykjast fjálturstungið og óttafult fyri nýggjum tingum.
Tað kann hava ringa separatiónsangist.
Tað vil ikki ansast av øðrum ella hevur tað torført við at fara á dagstovn.

MORO Reflex

Um

Hjá pinkubørnum er mororefleks eitt yvirlivilsisrefleks. Refleksið tryggjar, at pinkubørn natúrliga og uttan drálan koyrir armarnar út í somu løtu, sum heilin varnast eitt fall ella annað, sum kann ávirka javnvágina.

Refleksið kann setast í gongd av brádligum rørslum, hørðum ljóði, ljósglampi ella líknandi.

Mororefleksið er knýtt at øllum sansum á ein ella annan hátt. Børn við sensoriskum avbjóðingum ella Sensory Processing Disorders (SPD) hava ofta eitt varðveitt mororefleks, tí tað er so tætt knýtt saman við sansunum.

Refleksið er aktivt frá føðing og verður integrerað, tá barnið er uml. 4 mánaðir.

Aktivt MORO Refleks

Nøkur tekin, sum kunnu síggjast hjá børnum við aktivum mororefleksi:

Barnið er ofta í einari "fight or flight" støðu.
Barnið er ofta óttafult og ótrygt.
Tað hevur niðursett impulskontroll.
Barninum dámar ikki broytingar og óvæntaðar hendingar.
Tað er motoriskt seinkað (tí barnið er ótrygt).
Tað er sensitivt fyri ljósi og ljóði.
Tað er torført hjá barninum at halda bakgrundsljóði úti.
Tað er torført hjá barninum at halda fokus og at vera uppmerksamt.
Tað hevur niðursetta javnvág (trupulleikar við tí innara oyranum).
Tað hevur niðursetta koordinatión.
Tað er sensitivt um mat.
Tað verður skjótt pøst.
Tað hevur niðursett evni til at sansaintegrera.

Tonic Labyrinthine Reflex (TLR)

Um

TLR mennist í viku 12 í móðurlívi og verður integrerað um 3-ára aldurin. Eins og við STNR (Symmetrical Tonic Neck Reflex) er hetta refleks tengt at tveimum støðum.
Tá pinkubarnið boyggir høvdið fram, boyggja armar og bein seg og leggja seg inneftir.
Tá tað boyggir høvdið aftureftir, gerast bein og armar strekt og spreiða seg úteftir.

Hetta refleks hjálpir pinkubørnum at menna sansin fyri javnvág og tilvitan um rúmið gjøgnum vestibulera stimbran. Hvør einasta høvuðrørsla í hesum tíðarskeiði ávirkar vøddaspenningin og liðsansin, og um TLR ikki er integrerað á rættan hátt, fer barnið at stríðast við javnvág, kropsburð og samskipan alt lívið.

Aktiv TLR

Nøkur tekin, sum kunnu síggjast hjá børnum við aktivum TLR:

Verri javnvág
Verri tamarhald á høvdinum, vánaligan kropsburð
Verri 'koordinatión'
Lágan vøddaspenning
Stívar rørslur (høgan vøddaspenning)
Gongur á tá
Situr í eini w-støðu
Niðursettan sjónsans (uppfatan/fylgja onkrum við eygunum)
Niðursett eygna-hondsamskipan
Torført við at handfara ljódliga sansaávirkan
Gloymsk/ur og óskipaður
Niðursetta rúmliga uppfatan

Spinal Galant Reflex

Um

Hetta umráðandi refleksið hjálpir barninum við samskipan og javnvág, tá barnið skal læra at aka og grulva. Refleksið fer í gongd, tá onnur síðan av rygginum verður sansaávirkað.

Spinal galant er eisini tað refleks, sum stýrir bløðruni. Hevur tú eitt barn, ella arbeiðir tú við einum barni, sum ikki klárar at halda vatninum, og sum pissar í song og er eldri enn 5 ár, so kann hetta stava frá einum aktivum spinal galanti.

Spinal galant refleksið kann vísa seg við bert at vera aktivt í aðru síðuni. Hetta kann ávirka kropsburð og rørslu.

Refleksið er liðugt ment, tá barnið er føtt, og verður vanligani integrerað, tá barnið er umleið 9 mánaðir.

Aktivt Spinal Galant Refleks

Nøkur tekin, sum kunnu síggjast hjá børnum við aktivum spinal galant refleksi:

Likamligt órógv, situr sum á nálum
Klárar illa at sita still á einum stóli
Alla tíðina í gongd
Nertir alt og trillar hár ella annað millum fingrarnar
Ilt við at hugsavna seg og at vera uppmerksom/-samur
Pissar í song eftir 5-ára aldurin
Hypersensitiv/ur, tá hon/hann verður nortin við
Tekin um ADHD
Hevur ilt við at lurta og skilja munnligar leiðbeiningar

Asymmetrical Tonic Neck Reflex (ATNR)

Um

ATNR verður integrerað, tá pinkubarnið er uml. 6 mánaðir. Er refleksið framvegis til staðar eftir hetta, kann tað órógva rættiliga nógvar førleikar, t.d. eygna-hondsamskipan, av tí at refleksið verður stimbrað, tá høvdið snarar sær.

Tá nýfødda barnið liggur á búkinum, hjálpir refleksið pinkubarninum við at anda. Tá høvdið verður snarað til aðru síðuna, tryggjar hetta, at frítt er at anda. Um barnið ikki hevur integrerað ANTR, tá tað er uml. 6 mánaðir, kann tað vera torført hjá pinkubarninum at venda sær frá bakinum til búkin.

Aktivt ATNR

Nøkur tekin, sum kunnu síggjast hjá børnum við aktivum ATNR:

Trupulleikar við at røkka tvørturum miðlinjuna (brúkar tildømis ikki høgru hond at røkka eftir ting á vinstru síðu)
Tað hevur ikki ment eina ráðandi hond, fót, eygu ella oyru
Tað hevur niðursetta eygna-hondsamskipan
Tað hevur niðursetta javnvág
Tað hevur niðursettar visuellar førleikar (skiftið frá at fokusera frá nær til fjar og umvent)
Tað hevur niðursettar skrivligar førleikar (orsakað av niðursettum fínmotorikki)
Tað hevur trupult við innlæring
Vendir bókstøvum og tølum umvent
Hevur trupulleikar við at festa tankar á pappír

Symmetrical Tonic Neck Reflex (STNR)

Um

STNR verður ment umleið 6 mánaðir eftir føðing og eigur at verða integrerað millum 9 og 12 mánaðir eftir føðing. Hetta refleks ger, at børn kunnu reisa seg frá gólvinum og byrja at grulva við at skilja millum ovasta og niðasta part av kroppinum.
Refleksmynstrið hevur tvær stórar rørslur, sum koma fyri, tá barnið er á hondum og knøum. Tá barnið boyggir høvdið, boyggjast armarnir, og beinini verða bein. Tá barnið hinvegin lyftir høvdið upp, verða armarnir beinir og beinini boygd.

Hetta stokkuta refleks hjálpir pinkubarninum at koma í røttu grulvustøðu. Um refleksið verður verandi aktivt, fer barnið ikki at grulva vanligt, men fer heldur at “grulva sum ein bjørn”, aka eftir dintlinum ella loypur grulvingina um og fer beint at ganga.
Tá barnið akar og grulvar, er tað serliga sjónin, ið verður ment. Tá barnið akar og grulvar, mennir tað førleikarnar hjá eygunum at fokusera nær og fjar og at hyggja tvørtur um miðlinjuna, umframt at eygna-hondsamskipan verður ment og vand

Aktivt STNR

Nøkur tekin, sum kunnu síggjast hjá børnum við aktivum STNR:

Tað hevur vánaligan kropsburð (torført at sita á einum stóli)
Tað hevur niðursetta javnvág, tykist klombrut
Tað hevur niðursetta samskipan
Liggur oftani við yvirkroppinum á borðinum
Situr í W-støðu
Tað hevur óviljaðar rørslur í ørmum og beinum
Tað hevur niðursettar førleikar at døma um frástøðu
Tað er torført at fylgja nøkrum við eygunum
Tað hevur tekin, ið minna um ADD ella ADHD
Tað hevur trupulleikar við innlæring